٤ حاجات تعملها :
١- أهم نصيحة ممكن نقدمهالك إنك تحافظ على صحتك النفسية خلال فترة الانتظار، القلق شيء طبيعي، لكن التفائل هو أفضل شيء ممكن تعمله
٢- سجل أفكارك ومشاعرك في دفتر يوميات، طبعًا انت مش مضطر تكون كاتب محترف عشان تعبر عن مشاعرك، كفاية إنك تعبر عن مشاعرك ببعض الجمل المكتوبه ، كتير من الناس لقوا إن مجرد كتابة أفكارهم بيحررهم من قلق كبير.
٣- إقرأ كتب ومقالات في الأمومة والأبوة والتربية ، وكمان حاول تقرا مقالتنا المخصصة لدعم الأسر الكافلة.
٤- حاول تقابل آباء وأمهات كافلين وتتكلم معاهم، أو انضم لجروب الأسر الكافلة على الفيس بوك على صفحتنا على الفيس بوك “كفالة” و إنضم لجروب الواتس آب المخصص للأسر المقبلة على الكفالة . فيه ناس كتير مرت بتجربتك و هتتعلم منهم التكتيكات اللي استخدموها خلال رحلة الكفالة وهتعرف منهم ايه اللي مفروض تعملوه وإيه مفروض تتجنبوه بناءً على تجربتهم.
٣ حاجات متعملهاش :
١- متخليش القلق يسيطر عليك، قلل مستوى القلق بموضوع الكفالة لأقل مستوى ممكن، إشغل نفسك قدر الإمكان.
٢- متقلقش من القصص السلبية والمفاهيم الغلط اللي بتسمعها عن الكفالة، متخليش حد يزرع التخوفات جواك.
٣- متعملش أي تغيرات كبيرة في حياتك، كفالة طفل تغيير كبير لدرجة كافية
