١٠ علامات تقولك إنك تقريبا جاهز للتفكير في موضوع كفالة طفل بشكل جاد
١- لما تبدأ تشوف أسر كافلة في محيطك وحوليك
٢- لما تلاحظ إن الأسر الكافلة دي أسر عادية جدًا وطبيعية بالعكس بتعجب بيهم كمان
٣- لما تلاحظ إن الأسر الكافلة سعيدة جداً خصوصًا الأب والأم
٤- لما تحس إن الاستمرار في العلاج (في حالة عدم القدرة على الإنجاب) بقى شيء مرعب بيسبب لك احباط بدل ما بيديك أمل
٥- لما إحساسك لما تسمع عن الأطفال في دور الرعاية يتبدل من شفقة عليهم لتحمس إن ممكن تكون واحد من الأسر الكافلة.
٦- لما يكون في جزء جواك عنده فضول بخصوص الكفالة و بتتابع عنها وتفاصيلها برغم كل قلقك وتخوفاتك
٧- لما تبدأ تهتم ببرامج الأسرة وتربية الطفل وتتابع برامج وصفحات على السوشيال ميديا متعلقة بالكفالة وتبدأ تهتم بقراءة البوستات الخاصة بالمواضيع ديه.
٨- لما تبدأ تتعرف على مجتمع الكافلين وتابع أخبارهم و تعرف تفاصيل تجاربهم
٩ لما تبدأ تنتبه لما تسمع إن شخص تكفل بطفل، وتسمع باهتمام جدًا عن تفاصيل كفالته، مش ضروري إنك توجه أسئلة، بس بتحس بفضول انك تسمع قصته
١٠ لما تحس إنك هتوصل لوقت وهترفض العلاج ومش هتقدر تكمل
لو كل ال ١٠ نقط دي مرت عليك، فانت جاهز للتفكير في الكفالة ووضعها ضمن اختياراتك...
