حقائق عن دور الرعاية في العالم
على الرغم من اختلاف دور الرعاية عن بعضها، لكن في سمات مشتركة موجودة في أغلب دور الرعاية على مستوى العالم..
1- الأطفال بتتقسم لمجموعات من 9 لـ 16 طفل في كل جناح تقريبًا وفي بعض الأماكن بييوصل فيها العدد ل 70 طفل في الجناح، وبيكون عدد مقدمي الرعاية من 1 لكل 8 أطفال، لـ 1 لكل 31 طفل، أماكن قليلة جدً اللي بيكون فيها عدد مقدمي الرعاية كبير بالنسبة لعدد الأطفال.
2- بيتم تقسيم الأطفال تبعً للفئة العمرية، وبيتنقل الأطفال من فئة للتانية بشكل دوري.
3- بيتم تغيير مقدمي الرعاية لنفس المجموعة كل فترة، ممكن مقدم الرعاية يشتغل لفترة طويلة لمدة 24 ساعة، وممكن يأجز تلات أربع أيام، وفي مقدم رعاية بياخد أجازة شهرين ويرجع، في النهاية الطفل بيمر عليه من حوالي 50 لـ 100 من مقدمي الرعاية في أول 19 شهر في حياته.
4- ناس كتير بتروح وتيجي على الأطفال من دكاترة واستشاريين سلوك ومتطوعين بيزوروا الأطفال فترة ويختفوا.
5- مقدمين الرعاية بيتم تدريبهم تدريب بسيط جدًا، والتدريب دا بيكون غالبًا بيركز على المشكلات الصحية أكتر من التفاعل الاجتماعي.
6- مقدمين الرعاية أغلبهم من الإناث، ونادرًا ما بيتعامل الأطفال مع الرجالة أو بيشوفوهم.
7- مقدمي الرعاية بيقضوا معظم الوقت مع الأطفال بين الأكل والتغيير والحمى وتنظيف الأوض، ومبيكنش في وقت للتفاعل مع الأطفال وتنمية مهاراتهم.
8- في الغالب مقدمي الرعاية بيقوموا بدورهم من باب إنه وظيفتهم، فالدافع بيكون مادي في الغالب، وقليل أوي ما بيكون من باب العطف والدفا أو الاستجابة لمطالب الطفل العاطفية.
